1-غيرت جو في مكان بحبه جداً...بقالي كتير ما انبسطتش كده :)
2-الحمد لله كل مدى بكتشف إن في حياتي كنوز جميلة أوي...سواء أشياء أو أشخاص :)
3-رغم الكنوز اللي بكتشفها في حياتي...لا زلت برضه بدور على حاجات وعلى ناس متستاهلش...أسمي ده إيه؟!
4-أنا من الناس اللي بتنبسط جداً لما حد يقولها:انتِ شبه والدتك في حاجة...لو حتى في الصوت :))
5-كتابة الخواطر دي نعمة...خصوصاً إني أحياناً مش بلاقي حد أفضفض له ^^
6-في ناس افترقت عنهم...لأن ربنا عاوز ينبهني لحاجة مش واخدة بالي منها :)...حتى لو كان الفراق مؤقت..
7-بشعر بحسرة كبيرة أوي لما أكتشف إني كنت السبب في فشلي أو انخفاضي في حاجة معينة ^^
8-في ناس صحيح موجودين لكن أنا مش قادرة أحس بوجودهم أو أهميتهم لسبب ما..
9-ما زلت بكره الغموض والتلميحات جداً مني ومن غيري...بس مش كل حاجة أندلق زي الجردل :))
10-الحمد لله..لسه عندي حتة إني بفرح من أبسط حاجة :)
11-لما بفرح بزأطط بجد..ولما بكتئب ولا الطبل البلدي بينفع معايا ^^
12- بابا وحشني أوي...الله يرحمه ويجمعني بيه في الجنة :')
13-مش بحب اللي بيعملوا فيها زعلانين...يا تزعل بجد يا تبطل استهبال ^^
13-مش بحب اللي بيعملوا فيها زعلانين...يا تزعل بجد يا تبطل استهبال ^^
14-رمضان جميل أوي..مش عايزاه يخلص :)
15-لكل مكتئب...بعد الليل نهار..أكيد :)
16-حاجة جوايا بتقولي إن في ناس جواها حاجات ناحيتي نفسها تقولها بس مش قادرة...مش عارفة ليه :)
17-علشان لازم نكون مع بعض..عشان شايلانا نفس الأرض..عشان بكرة اللي مستني..ومش عايز يفرق حد :)
18-صحيح السياسة مصير شعوب...لكن للأسف مش قادرة أكون شخص مهتم بالسياسة :(
19-برضه لسه عصبية..مفيش فايدة ^^"
20-أنا مدونة مش قد كده..اعتقاد راسخ عندي بصراحة :))
متفق معاك في رقم 8
ReplyDeleteانا كمان باحس رقم 16
رقم 19 خلتني ابتسم ابتسامة عاملة كده (';')
رقم 20
انت مدونة هايلة :)
متشكرة بجد :) ... بالنسبة لرقم 8 أعتقد المشكلة فينا مش في الناس دول
ReplyDeleteوبالنسبة لرقم 16، عرفت مؤخراً إن ده نوع من الذكاء :D
ورقم 19 دي بتبقى طباع مش بنقدر نغيرها ، لكن ع الأقل لازم نحاول نخليها متخرجش عن السيطرة :)
وفي رقم 20 : أخجلتم تواضعنا :$